میوانی ئه‌م جاره‌ی خه‌رمانان هونه‌رمه‌ندی لاو نێچیرڤان

خه‌رمانان: زۆر سوپاسی میوانداری ڕێزدار هونه‌رمه‌ندی لاو کاک نێچیرڤانی خۆشه‌ویستین. به‌ داوای لێبوردن له‌ میوانانی به‌ڕێز که‌ وه‌ڵامه‌کانتان که‌مێک دره‌نگ وه‌رگرته‌وه‌.
ئه‌م هه‌ڵه‌ و که‌م کاریه‌ش ده‌گه‌ڕێته‌وه‌ بۆ ستافی خه‌رمانان نه‌کا کاک نێچیرڤان
________________________________________________________________


هونه‌رمه‌ندی ده‌نگ خۆش و به‌توانای لاو نێچیرڤان میوانی ئه‌مجاره‌ی گۆشه‌ی میوانانی خه‌رمانان و ئێوه‌ی ئازیزه‌. وێڕای به‌خێرهاتنی به‌ڕێزیان، سوپاس و پێزانی خۆمان ئاڕاسته‌ی به‌ڕێزیان ده‌که‌ین، که‌ میوانداری ئێمه‌ی قبوڵ کرد. پیرۆزبایی لێده‌که‌ین، که‌ ئه‌مڕۆ به‌رواری ٠٨-٠٤-٢٠٠٩ ڕۆژی له‌دایک بوونی به‌ڕێزیانه‌.




هونه‌رمه‌ندی لاو نێچیرڤان،ی ته‌مه‌ن ٢٥ ساڵ و ، نیشته‌جێ،ی ووڵاتی سوید، یه‌که‌م به‌رهه‌می هونه‌ری خۆی و یه‌که‌م کلیپی گۆرانی به‌ناوی نه‌م زانی کرده‌ دیاری بۆ هۆگران و دڵسۆزانی هونه‌ر و ئه‌د‌بی کوردی.



چه‌ند دێڕێک به‌خه‌تی خۆیان!!

سڵاوم هه‌یه‌ له‌خزمه‌ت ئێوه‌ میوانانی سایتی خه‌رمانانی خۆشه‌ویست، و هه‌موو ئه‌وانه‌ی که‌ ده‌نگی منیان پێ خۆشه. من ناوم نێجیرڤانه‌ و له‌دایکبووی شاره‌ جوان و ڕازاوه‌که‌ی شنۆ،م له‌ڕۆژهه‌ڵاتی کوردستان. ته‌مه‌نم ٢٥ساڵه‌ و له‌ساڵی ١٩٩٨،وه‌ له‌ووڵاتی سوید ده‌ژیم. یه‌که‌م کاری هونه‌ریم گۆرانیه‌که‌ به‌ناوی نه‌مزانی که‌ هۆنراوه‌ی هاوڕێی خۆشه‌ویست و شاعیری به‌توانا سه‌میر داسکۆیه‌ و ئاوازه‌که‌ش هی برای خۆشه‌ویست و هونه‌رمه‌ندی ئازیز کاک سامان شه‌وکه‌ته‌. کاری موزیکیشی له‌لایه‌ن سولێمان چێلیک و‌ه بۆکراوه‌، هه‌روه‌ها میکس و باقی کاره‌کانی تری له‌لایه‌ن هونه‌رمه‌ندی گه‌وره‌ کاک بژار دیلان،وه‌ بۆ کراوه‌، که‌ به‌ڕاستی زۆر ماندو بووه‌ له‌گه‌ڵما و سوپاسی ده‌که‌م. ماوه‌ بڵێم که‌ کاک هۆگر هیروری کلیپه‌که‌ی بۆ ئه‌نجام دام سوپاسی ده‌که‌م.
من لێره میوانم تا چه‌ند هه‌فته‌، له‌ ئێوه‌ پرسیار و له‌ منیش وه‌ڵام. به‌ڵام له‌بیرتان نه‌چێ من ناتوانم وه‌ڵامی پرسیاره‌کانتان بده‌مه‌وه‌ تاکو هه‌ر یه‌ک له‌ ئێو‌ه پرسیاری خۆتان نه‌که‌ن ئه‌مه‌ش یاسایی خه‌رمانانه‌. پرسیاری دوباره‌ مه‌که‌ن زۆر سوپاس.

براتان نێجیرڤان